Lakers chak ve leh ta
An match hnuhnung pahniha an tlawm hnuah Los Angeles Lakers an chak ve leh ta. NBA champion hian nimin zing khan team ṭha Boston Celtics chu 96-95 in an hneh hram, chak tur hian vanneihna an mamawh tel.
Lakers tan an match hnuhnunga inlan lo Anthony Davis chu point 24 leh rebounds 14 nen a lo kir a, an thiampuipa LeBron James chuan point 21 a nei bawk. Celtics lamah Jayson Tatum chuan point 30 nei thei mah se thlawptu a nei ṭha tawk lo.
Inkhel dangah Damian Lillard chuan Portland Trail Blazers chuan hun tawp dawnah 3-points vawi hnih neiin, a team chu Chicago Bulls lakah 123-122 in a chakpui. 3-points a neih hnuhnung zawk hi 'buzzer' rik ruala lut a ni.
NBA Results
Los Angeles Lakers 96 - 95 Boston Celtics
Miami Heat 105 - 104 Sacramento Kings
Houston Rockets 126 - 112 New Orleans Pelicans
Charlotte Hornets 126 - 114 Milwaukee Bucks
Phoenix Suns 111 - 105 Dallas Mavericks
Memphis Grizzlies 129 - 112 San Antonio Spurs