Marseille leh Rennes inkhel thei lo

Inrinni khan Marseille fans 300 rual velin an club training ground velah buaina an siam a, hei vang hian tun kar tawpa Marseille leh Rennes inkhel tur chu a hun sawn hlat a ni.

Thuneitu lamin club an kalpui danah fans an lungawi lo a, khelmual chhung leh pawnah club kalphung duh lohna an lantir fo. Training ground-ah hian tharum thawhna a thleng a, mi 25 man niin police pasarih in hliam an tuar.

Andre Villas-Boas kaihhruaina hnuaiah Marseille hian tun hnaiah beisei an phak lo, an match hnuhnung pathumah chak lo vekin Ligue 1 table-ah pawh pasarihna dinhmun an luah phak hram.

Marseille chuan thu chhuah siamin tharum thawhna tleng hi an dem thu an sawi. Club president Jacques-Henri Eyraud chuan, "Tun ṭum thil thleng hi a pawiin a zahthlak. Infiammi kan ni a, infiamna huangah chuan hetiang thil hi a thleng tur a ni lo," a ti.

Season hmasa khan Andre Villas-Boas hian a club hi league-ah pahnihna a nihpui a, kuminah erawh beisei an phak loh avangin June thlaa a contract tawp mai tur pawh an pawtsei dawn lo niin a sawi.