Fury-a'n a hmachhawn chak a sawi

September 14 zan, keini lam sanaa Pathianni zing dar 8:30 bawr velah Tyson Fury chuan Otto Wallin a hmachhawn dawn a, Swedish boxer a hmachhawn zawha fight hmachhawn a châk ho a sawi chhuak. 

Fury chuan, "Wallin ka hmachhawn ang a, chumi zawhah chuan Deontay Wilder hmachhawn ka duh. Anthony Joshua vs Andy Ruiz Jr. rematch-a chak zawk hmachhawn ka duh bawk ang," a ti! British boxer rothap chuan sawi zawmin, "Ka hmachhawn duh ho hi ka thei lo a nih chuan Dereck Chisora pawh chance ka pe leh mai a ni ang chu," a ti zui. 

Las Vegas-a Fury hmachhawn tur Otto Wallin hi boxer langsar ni lo mah se record a nei ṭha hle - vawi 21 inhnekah vawi khat 'no contest' tih loh chu a chak vek a, vawi 13 a khingpui a knockout.