Ronaldo-a'n record siam

Thawhlehni zan khan Portugal chuan Euro 2020 Qualifier-ah Lithuania 5-1 in an sawp a, captain Cristiano Ronaldo-a'n goal li zet a khung.

Juventus striker Ronaldo hian European qualifier-ah goal 25 a khungna chiah a ni a, Republic of Ireland striker Robbie Keane record chelh lai chu goal hnihin a khum. 

Portugal inkhelh hma hian Keane chuan, "Cristiano, record i ngah thawhkhat tawh alawm," tiin duhtawk turin instagram kaltlangin a ngen a, Ronaldo hian goal khung a bansan lo. Inkhelh zawhah Keane hian IG kaltlang thoin Ronaldo a lawmpui thu a ziak.

European champion Portugal hi group B-ah awmin match hnih an chak zawn zarah point riat an hmu a, Ukraine (13 pts) leh Serbia (7 pts) inkarah awm mah se match khata an khelh tlem avangin an tlin a rinawm hle.