Kompany chawimawi nan inkhel

Manchester City legends XI  leh Premier League legends XI te chuan Nilaini zan khan City legend Vincent Kompany chawimawi nan match an khel a, 2-2 in an inhnehtawk. 

Kum 33 mi Kompany hi ama puala inkhelah hliam vangin a inlan thei lo a, inkhelh hmain, "Vanduaithlak takin ka inlan thei dawn lo. Dan pangngaiin ka malpuiah hliam ka tuar leh a ni," tiin a sawi!

City tan Martin Petrov chuan goal hmahruai khung mah se PL legend tan Robbie Keane leh Robin van Persie ten an chhanglet - Benjani Mwaruwari chuan khung ve lehin 2-2 in an inhnehtawk. 

Anderlecht tana khel ta Kompany chawimawina inkhelah hian Manchester United players hlui Van Persie, Paul Scholes, Ryan Giggs, Michael Carrick, Gary Neville leh Edwin van der Sar te pawh an inlan a, hei hian sawi a hlawh hle. 

Mahse, Kompany chuan, "United nen hian club inhal tak kan ni ngei a, mahse zanin ang hun kan hman ho theihna hian kan khawpui chu a ti chak lehzual zawk a ni," tiin United a fak. 

Inkhel aṭanga sum hmuhte hi Kompany leh Greater Manchester mayor Andy Burnham ten an din Tackle4MCR pualin dah a ni dawn a, he pawl hian Manchester khawpuia chenna in nei lote tan hna a thawk ṭhin.