India U16-in Fenerbahce an hneh

SAFF Under 15 Championship nomawi an chawi zawh hnua Turkey-a tour nei mek India Under 16 chuan 6-3 in Turkish club ṭha Fenerbahce rawlthar rual an hneh. 

India tan Sridarth bawk player langsar niin hattrick a siam a, Shubho Paul chuan goal hnih a khung bawk. Fenerbahce tana Arda Chakirli, Dogukan Tarlaek leh Utku Buyukkose te chhanletnain awmzia a nei lo. 

Blue Tigers rawlthar rual hian Keciorengucu FC chu match hmasa zawkah 7-0 in an lo sawp tawh bawk a, match 11 chhung chu a zawnin an chak tawh. India hian AFC U16 Championship 2020 qualifier chu September 18 hian Uzbekistan-ah an khel ṭan dawn a, September 22 thleng an cham ang.