Subroto Cup U17-ah Mizoramin quarterfinal khel dawn

14th September, 2019

Subroto Cup Under 17 mipa inelnaah Mizoramin quarterfinal an lut a, vawiin chawhnu dar 2:00 hian Delhi-ah group F pakhatna Jharkhand an hmachhawn ang.

Mizoram hi group match-ah Kerala nen match hmasa berah goal awm loin an inhnehtawk a, hemi hnu hian Bangladesh (13-1), West Bengal (2-1) leh International Board Schools Sports Org (16-1) te an hneh zui vangin goal difference 28 zet an nei.

Heti chung hian Mizoram hi tla thei dinhmunah an ding a, Kerala leh Bangladesh result-ah an innghat. Ningani tlai khan Kerala hian goal 17 khung an mamawh laiin Bangladesh hi 6-1 chauhin an hneh a, Mizoramin quarterfinal an lut.

Mizoram khingpui tur Jharkhand aiawha kalte hi SAIL Football Academy, Bokaro te an ni a, chetsual theihna a ni ang.