Wilder-a'n Fury a sawisel

Deontay Wilder chuan Tyson Fury chu amah pumpelhna ringawt zawngah a puh a, Pathianni zinga Otto Wallin nena an inhnek tur pawh chu rematch pumpelh a duh vang a nih thu a sawi. 

Wilder chuan, "Tyson hi boxer huaisen tak chu ni se min hmachhawn lehnghal ang. Mahse, tunah chuan tlanchhiatna a zawng a ni. "Tuna an inhnek aṭang hi chuan dollar maktaduai 100 chu sawi loh, 70 pawh a hnek chhuak lo ang. Mahse, sum hmu hnem tak angin a lang a, chu chu min pumpelh a tum avang chauha ti a ni," tiin a ngainep hle. 

Fury hian Wallin nen an inhmachhawn zawha ring chhunga luhpui a duh ho a lo sawi tawh a, WBC heavyweight champion Wilder bakah Andy Ruiz vs Anthony Joshua-a chak zawk hmachhawn a châk thu a sawi. December 2018 khan Wilder nen hian an lo inhmachhawn tawh a, chak zawk awm loa puan niin boxing fans tam takin fighter pahnih hi inhmachhawn leh turin an duh. 

Fury leh Wallin hi T-Mobile Arena, Las Vegas-ah Inrinni zan, keini sanaa Pathianni zing dar 8:30-ah an inhnek dawn.