MBBA-in champion team an chawimawi
Mizoram Basketball Association chuan Zarkawt Recreation Centre-ah nizan khan 46th Sub Junior National Basketball Championship-a champion Mizoram team an chawimawi. Mizoram team hi Neuhoff School-in an sponsor a ni.
Cuttack, Odisha-a inelna neihah Mizoram hian champion turin Goa (89-1), Delhi (58-18), Telangana (54-26), Uttar Pradesh (77-53), Rajasthan (85-77), Maharashtra (91-65) leh Punjab (51-46) te an hneh.
Mizoram hian September 9, Thawhṭanni khan final-ah Punjab an hneh a, kumin hi level 1 leh level 2 awm hnua an champion-na hmasa ber a ni. Nimin tlai khan Aizawl an rawn thleng a, MBBA-in a chawimawina hun an buatsaihah hian basketball ngainatu ṭhahnem tak an pungkhawm a ni.
Tun ṭum hi Mizoramin Sub Junior inelnaa Mizoram vawi thum an champion-na chiah a ni a, kum 2001 leh 2006 khan an champion tawh bawk.
Mizoram Team
C. Lalrinawma Luangmual
C. Malsawmpuia Tuikual South
Christopher Ngurliankima Upper Republic
David Lalrinsanga Tuikual South
Easter Malsawmtluanga Republic Vengthlang
Emmanuel VL Awmpuia Nursery Veng
Jeptha Lalṭanpuia Tuikual South
Joel Lalmuansanga Zarkawt
Johan Lalthianghlima Khatla South
Lallianmawia Chawnpui Veng
Lalremsanga Ramthar Veng
Marius Lalhmahruaia Khatla South
Coaching Staff
Manager Dennis Vanlalmawia, Khatla South
Coach Marc L. Sailo, Zarkawt
Asst Coach ZD Denghmingliana, Kanan