Clijsters a lo kir dawn

Hmeichhe tennis world number 1 hlui Kim Clijsters chu season tharah a inkhel leh dawn, Grand Slam vawi li champion tawhin inkhelh leh a tum chhan chu nu ni tawh chunga Serena Williams inkhel chuan chona a siamsak vang a ni.

Belgian player hi kum 36 mi a ni tawh a, 2007 khan chhungkaw din a duh vangin tennis khelh hi a lo chawlhsan tawh. 2009 khan a rawn kir leh a, major title pakhat lak belh mah se a inkhel zui rei thei ta chuang lo.

Season thara a rawn kir tur thu sawiin Clijsters chuan, "Nu ni tawh chunga inkhel ka hmu a, a ṭha berte zingah a la tel thei reng, ani hian chona min siamsak a ni. Ṭha ber nih ka tum kher dawn lo a, ka theihtawp chhuah ka tum zawk ang.

"Ka thil tum hmasa chu inkhel thei tura taksa fit ṭhat hmasak a ni, chumi hnuah chuan thil tum leh hmachhawp dang ka neih belh zel ang," a ti. Nakkum January thla aṭangin inkhelh ṭan a tum.