Beckham-a'n Messi a dawr lo

David Beckham-a club Inter Miami chuan Lionel Messi lakluh tumin an hel niin khawthlang media ten tarlang mah se he thuthang hi a dik lo. 

English media ho tarlan danin Beckham hian a sporting director Paul McDonough chu Messi-a pa leh advisor Jorge Messi be turin a tir. Major League Soccer club thar tur Miami hian Messi hi MLS khelh loh laia Europe-a loan-a khelh an phalsak dawn tih thlengin an tarlang. 

Mahse, Goal.com-in a tarlan dan chuan Miami hian Messi ni loin Luis Suarez zawk an dawr a, indawr ṭan chauh an nih avangin thil kal dan tur a la chiang lo. England captain hlui Beckham hi Inter Miami neitu zingah a tel a, an club hian season thar aṭangin Major League Soccer an khel dawn a ni.