Mizoram chak mah se an tla
25th Senior Women's National Football Championship-ah Mizoram chuan an match hnuhnung pahnihah Andhra Pradesh leh Assam te hneh mah se an match hmasa bera Railways an hneh loh avangin group stage an paltlang zo lo.
Pasighat, Arunachal Pradesh-a inelna neihah hian Mizoramin an group-a team ṭha ber Railways an hmachhawn nghal a, 4-0 in an chak lo. Mizoram hian kar liam ta Zirtawpni khan Andhra Pradesh 4-0 in an sawp a, nimin khan C. Zairemmawii leh Grace H.Lalrampari te hmangin Assam 2-0 in hneh leh bawk.
Railways-in match thum an khelh aṭangin point sarih an hlawh chhuak a, Mizoram aiin point khata hmu tamin team 30 telna inelnaah knockout stage an lut. Women's National Football Championship-ah hian Manipur-in record an nei ṭha lawrlak a, vawi 24 neih tawhah vawi 19 an champion.
Mizoram zinkawng
September 11, Nilaini
Mizoram 0 - 4 Railways
September 13, Zirtawpni
Mizoram 4 - 0 Andhra Pradesh
MIZ : C. Zairemmawii 65'; Gladys 79'; Lalnuntluangi 82', 86'
September 16, Thawhṭanni
Mizoram 2 - 0 Assam
MIZ : C. Zairemmawii 20'; Grace H.Lalrampari 45' (P)