World record siamtu manager Gutendorf a thi

Football manager Rudi Gutendorf chuan khawmualpui pangaa ram 32-ah team 55 enkawlin Guinness World Record-ah a lang. German football manager hi kum 93 mi niin September 13, 2019 khan a thi.

German FA vice-president Dr Rainer Koch chuan, "German football tan palai ropui a ni," tiin a fak hle. Kum 1984 khan Yomiuri SC a enkawl a, Japanese League-a foreign manager hmasa ber a ni. Gutendorf hian kum 50 dawn team a enkawl a, kum 1955 khan Switzerland club FC Blue Stars Zurich enkawl ṭanin kum 2003 khan a tawp nan Samoa a kaihruai leh bawk.

An ram Germany-ah Gutendorf hian top flight team a enkawl pha a, national team 18 a enkawl tawh zingah Australia, China leh Fiji te an tel. Africa-ah pawh ram pasarih Botswana, Tanzania, Sao Tome e Principe, Ghana, Mauritius, Zimbabwe leh Rwanda te a enkawl bawk.