Covid-19 lakah England an him

India rama Test match khel tura zin England team chu vawi thum RT-PCR hmanga test niin an negative vek a, nimin khan an inkhung hran hun a tawp ang. Vawiin tlai dar 2:00-5:00 inkar hian England team hian a vawi khat nan team angin training an nei thei ang.

Sri Lanka an khelh ṭuma zin ve lo Ben Stokes, Jofra Archer leh Rory Burns te chu an thlen hma avangin quarantine hun a tawp tawh a, training an nei tawh a ni.

India leh England hian Test match vawi li khelh tur an nei a, match hmasa ber hi February 5 hian Chennai-ah khelh ṭan a ni ang.