Antonsen leh Tai Tzu-ying an champion

Badminton World Federation hnuaia inelna ngaihhlut BWF Tour Finals chu Pathianni zan khan khelh zawh a ni. Mipa singles-ah Anders Antonsen a champion a, hmeichhe inelna lamah Tai Tzu-ying a chungnung ber bawk.

Tun hnaiah Viktor Axelsen a khel ṭha tluang a, inkharkhip lai nena chhiar zawm chuan ni 379 zet tlawm loin a kaltluang. Final-ah pawh hian chak tura rinkai zawk a ni, mahse Denmark tlangval pahnihte darkar khat chuang inkhelh hnuah 21-16, 5-21, 21-17 in Antonsen a vannei.

Hmeichhe singles lamah world number 1 Tzu-ying chuan Olympic champion lai Carolina Marin chu 21-14, 21-8, 21-19 in a hneh a, tun hnaia khel ṭha tak Marin tan a zawna nomawi pathum chawi a tumna chu a thamral.

Spanish nula Marin-i'n Thailand-ah a zawnin nomawi pahnih a chawi a, tun tournament-ah pawh champion tura rinkai a ni. Group match lamah khel ṭha viau mah se inkhel pawimawh berah a che fuh lo zawkah a ṭang.

BWF Tour Finals-ah hian India player PV Sindhu leh Kidambi Srikanth te an inlan a, mahse anni pahnih hian group stage an paltlang zo lo a ni.