Conor McGregor a lo kir hnai?

UFC fighter chanchin ngah ve tak Conor McGregor chuan twitter lamah 'Dublin, December 14th' tih a tarlang a, khawthlang media te chuan Irish fighter hi octagon-ah a lo kir dawn hnai niin an sawi leh der tawh. 

UFC weight hniha champion lo ni tawh McGregor  hian nikum October khan Khabib Nurmagomedov a hmachhawn a, khawvel ngaihven fight hmuhnawmah hian a mualpho - a hnuah fight a hmachhawn leh tawh lo. 

March khan Irish fighter hian mixed martial arts a chawlhsan thu a lo puang tawh a, twitter lama thawm a neih leh takah chuan sawi zui a hlawh hle. Kum 2015 hnu lamah Ireland hian UFC fight an la thleng leh ngai lo a, McGregor hi a inlan a nih chuan an rama fight a hmachhawn hmasak ber a ni nghal ang. 

McGregor hian fight hmachhawn leh lawk lo mah se octagon pawn lamah erawh chanchin a nei ve reng a, April khan zu inna hmunah buaina a siam a, March khan Florida, USA-ah amah ngaisangtu fan phone chu a vawm chhiat sak bawk.