NECS ADFA I Division League

Nimin khan Lammualah NECS ADFA I Division League round 2 khelh a ni a, Mizoram Premier League aṭanga tla hlim Bethlehem Vengthlang FC leh Youngstar United te 1-1 in an inhnehtawk.

BVT leh Youngstar te hi match hmasa lama chak lo pahnih an ni a, match hnih khelhah point khat chuah an la nei. Team pariat an inkhelh kual vek dawn avangin semifinal beiseina erawh a la awm.

Inkhel hnuhnung zawkah inkhel thiam veng tia hriat hlawh ṭhin Dinthar chuan 1st MAP Academy lakah an siphurh sut hramin 1-1 in an inhnehtawk bawk.

Vawiin hian champion lai Aizawl FC Academy an inlan dawn a, league hmahruaitu hian an mahni ang bawka point thum nei tawh FC Bethlehem an hmachhawn ang. Point thum nei tawh dang Sihphir Venghlun FC leh Kanan FC an inkhel bawk ang.

Round 2 - Nimin Inkhel Results

Bethlehem VT    1 - 1    Youngstar United

BVT : C Ramnunpuia 21'

ITI : Aldrin Ramthansanga 64'

1st MAP Academy    1 - 1    Dinthar FC

MAP : Lalṭhakima 59'

DIN : C. Lallawmsanga 73'

Vawiin Inkhel Tur

FC Bethlehem    12:00 PM    Aizawl FC Academy

Sihphir Venghlun FC    02:00 PM    Kanan FC