MBA leh National Ayush Mission thawk dun

Mizoram Badminton Association (MBA) leh National Ayush Mission thawhhona kalzelah Ayush Instructor-te kaihhruainain Grassroots centre hrang hrangah Physical and Stress Management Programme kalpui mek a ni a, senso zawng zawng hi  National Ayush Mission lamin an tum.  

August thla khan MBA leh National Ayush Mission hian kum khat chhung atan thawhhona an ziak a, MBA hian pawisa nuai nga an dawng. Inremna langsar zingah MBA tournament-a Ayush doctor-ten ṭhutchilh a, a thlawna player enkawl a tel. 

MBA chuan thuchhuah siamin National Ayush Mission nena an thawhhona chuan rah ṭha a chhuah zel an beisei thu an sawi.