Vawiinah Mizoram team chhuak dawn
Santosh Trophy NE Zone Qualifying Round khel turin vawiin hian Mizoram team chuan Aizawl an chhuahsan dawn a, inelna neihna tur Tripura an pan ang.
Mizoram hi group A-ah a thlengtu Tripura, Assam leh Arunachal Pradesh te nen an awm ho a, team pakhatin final round an lut dawn. September 22, Pathianniah Arunachal Pradesh nen Umakanta Mini Stadium-ah an match hmasa ber an khel dawn.
2014 Santosh Trophy champion Mizoram hi September 24, Thawhlehni hian Tripura nen an inkhel ang a, an match hnuhnung berah September 26, Ningani khian Assam an lenchilh ang. Kumin kum tir khan Mizoram hian Santosh Trophy qualifying round hi an thleng a, tun ṭuma inelna thlengtu Tripura hi 3-0 in hneh mah se Meghalaya laka 0-1 a an tlawm avangin final round an lut lo. AIFF chuan 2019-20 season-ah hian inelna neih hun an rawn sawn hma a, kum khatah inelna vawi hnih a awm dawn ta a ni.
Mizoram hian kum 2014-a Santosh Trophy an champion hnuah inelna vawi nga hmachhawn leh tawhin semifinal vawi thum an lut leh tawh a, final erawh an la lut leh lo.Coach Lalremtluanga Renthlei tan tun ṭum hi Mizoram senior team a vawi khat enkawlna tur a ni dawn. Venghnuai pa hian MPL club Dinthar FC leh Chhinga Veng FC a enkawl tawh bakah Mizoram junior team a champion pui tawh bawk.
Mizoram Team
Goalkeeper
1 F. Lalmuanawma Mizoram Police FC Khawbung/Upper Republic
2 Lalmuansanga Electric Veng FC Bethlehem Vengthlang
Defender
3 Lalhmunmawia Mizoram Police FC Hualngohmun
4 Lalzuidika Chhinga Veng FC Pukpui/Chhinga Veng
5 P.C. Laldinpuia Electric Veng FC Samthang/Bethlehem VT
6 Lalrinzuala Khiangte Mizoram Police FC Aizawl Venglai
7 Lalrammawia Electric Veng FC Sawleng/Lalrammawia
8 Vanlalnghenga Chanmari FC Serchhip/Republic Veng
9 Lalmawizuala Chhinga Veng FC Nisapui/Chhinga Veng
Midfielder
10 R. Malsawmtluanga Mizoram Police FC Darlawn/Chhinga Veng
11 Vanlalthanga FC Venghnuai Hualngohmun
12 Jacob Lalrawngbawla Electric Veng FC Tlungvel/Electric Veng
13 Ramhlunchhunga Electric Veng FC Kolasib/Electric Veng
14 Lalbiakhlua Mizoram Police FC Keifang/Electric Veng
15 Lalsawmzela Chhinga Veng FC Champhai/Chhinga Veng
16 MS Dawngliana Chanmari FC Bawngkawn
17 Lalruatfela Chanmari FC Republic Veng
Forward
18 Lalnunzama Chanmari FC Laipuitlang
19 David Lalchhuanawma Electric Veng FC Salem Veng
20 Jessy Vanlalmuana Ramhlun North FC Zobawk/Durtlang
Manager K. Lalenghluna, MFA Exe. Member
Coach Lalremtluanga Renthlei, Venghnuai
Asst. Coach Anand Gurung, (Chhinga Veng FC),Tanhril
Physio Eddie Zorinmawia, Zotlang