MTB Himalaya 2019-ah Michael Laldinsanga

Himalaya tlang pânga thirsakawr (cycle) intlansiak hmanga inelna Hero MTB Himalaya 2019 neih turah Mizo tlangval Michael Laldinsanga Ralte a inlan dawn.

Kumina inelna hi September 26 aṭanga neih tur niin, Shimla aṭangin an tlan ṭan ang; ni khatah 60km tlan tur a ni. Kawng ṭha pangngaia tlan tur ni loin, kawng zim leh kham karah an tlan ang.

Inelna hmachhawn tur hian a duh nazawng a tel theih loh. September thlatir khan Guwahati-ah North East aṭanga tel tur thlanna neih a ni a, India hmarchhak aṭang hian mi panga chiah an inlan thei dawn. MTB Himalaya hi 2009 aṭanga buatsaih ṭan a ni a, kumin hi a vawi 15-na tur a ni - khawvel ram hrang hrang aṭangin cyclist ṭhahnem tak an fuankhawm tura ngaih a ni.