Quarterfinal-ah Saina leh Srikanth

Badminton inelna ngaihhlutte zinga pakhat Malaysia Masters khelh mekah, Indian shuttler Saina Nehwal leh Ki­dambi Srikanth te chuan quarterfinal an in vaw kai.

Seeded pasarihna Saina hian minute 39 chhungin Hong Kong nula Pui Yin Yip chu 21-14, 21-16 in a hneh a, semifinal lut tur chuan seeded pahnihna Nozomi Okuhara a pal­tlang leh a ngai dawn.

World number 9 Saina hian tun hmain Okuhara hi ṭum riat a hneh tawh laiin vawi li a hneh lo tawh thung, mahse an in­tawn hnuhnung pahnih­ah world number 2 Okuhara a chak avangin London Olympic bronze medalist tan fimkhur a ngai dawn.

Mipa singles lamah Kidambi Srikanth chuan Hong Kong tlangval Vincent Wing Ki Wong chu inkhel inhnehtawk takah 23-21, 8-21, 21-18 in a hneh ve bawk. Women’s doubles pair Ashwini Ponnappa leh N. Siki Reddy te erawh 18-21, 17-21 in Indonesian player Ni Ketut Mahadewi Istarani leh Rizki Amelia Pradipta te laka chak loin second round-ah an zinkawng a tawp thung.