Morata-a'n Atletico pan remti
Spanish football expert Guillem Balague chuan Chelsea striker Alvaro Morata chuan Atletico Madrid zawm a remti tawh niin a sawi a, club lam erawhin inremna an la siam fel lo thung.
Balague-a sawi dan chuan Morata leh Atletico hi mimal thilah chuan an inrem tawh a, mahse Madrid khawpuia Spanish striker kir tur hi chuan Chelsea hian a thlakna tur neih fel phawt an duh a, Atletico hian an tlarhma player hralh ṭhen phawt an tum bawk.
Kum 26 mi Morata hian season hmasa khan a hunlaia Chelsea player manto ber ni turin London club hi pound maktaduai 60-in a zawm a, season hmasaah match 45-ah goal 15 khungin tun season-ah match 24 a khel a, goal kua a khung tawh thung.
Balague chuan Morata hian Sevilla pan a remti hman a, mahse Atletico-in an duh tih a hriat hnuah a ngaihdan a thlak leh a ni, a ti.
Chelsea hian Morata thlak turin Juventus striker, AC Milan-a loan-a khel mek Gonzalo Higuain an lalut hnai tawh niin sawi a awm a, Atletico hian Morata lalut turin Nikola Kalinic emaw Gelson Martins chu hralh an tum thung.