Qatari club-in Sandesh Jhingan an duh

Asian Cup-a khel ṭha tak Indian defender Sandesh Jhingan chu Qatari club ṭha Al-Gharafa chuan lakluh an duh niin Qatari sports news channel Al Kass chuan an tarlang.

Kum 25 mi defender hi Indian player, season khata vaibelchhe khat hlawh kai thei tlemte zinga mi a ni mek a, Kerala Blasters-ah khel mekin he club hian chhuahtir an phal kher ang em, tih chu zawhna a ni. 

Al-Gharafa hi Qatari League-a vawi sarih ngawt champion thei niin Asian football-a club langsar pawl an ni a, Netherlands legend Wesley Sneijder, Slovakian international Vladimir Weiss leh Iran star Mehdi Taremi te chu an player langsar kawl zingah an tel.