Transfer-ah United an reh dawn

Manchester United chuan January thlaah an player duh ang lak tur an hmuh loh avangin player an lakluh an rinawm loh.

Nimin tlai press conference-ah Ole Gunnar Solskjaer chuan, "Player thar kan lak a beiseiawm loh," tiin a chhang, United hian zanin dar 8:30 hian Old Trafford-ah Brighton and Hove Albion an mikhual ang.

Belgian midfielder Marouane Fellaini chu chawn hliam vangin kar thum aṭanga kar li chawl thei dinhmunah a ding a, defender pahnih Chris Smalling leh Marcos Rojo te an la damlo bawk.

Hetihlai hian Alexis Sanchez chuan kar khat chhung training zawm tawhin chhawr theih turin an awm. United hian Solskjaer hnuaiah vawi ruk khel tawhin an la chak vek a, league match bikah chuan Brighton laka hnehna an chang chuan a zawnin vawi ruk an chakna chiah a ni ang.