Mizoram PYD inkhawmpui a ṭiak

Mizoram UPC koh­hran ṭhalai pawl, Pen­tecostal Youth Depart­ment (PYD) General Conference vawi 25-na, September 20, 2019 zana Hnahlan khelmuala ṭan chu nizan khan a ṭiak a, palai 2,000 chuang an tel. Rorel leh revival inkhawm bakah, mual inkhawmte neih a ni a, rawngbawltu hrang hrangin Pathian thuchah an sawi.

PYD inkhawmpuiah hian Inrinni khan General PYD president Upa Vanlaldinthara kaihhruaiin ro an rêl a ni. An thurel zingah, kum tina PYD inkhawmpui lian neih ṭhin kum khat dana neih tawh te, ṭhalaite hmasawnna turin 'Mipat hmeichhiatna kawnga thianghlimna' tih te, 'Pentecost ṭhalaite leh intodelhna' tihte leh career guidance booklet siam te, seminar paper buatsaihte a tel.

Kum 2021 PYD in­khawmpui chu Ruantlang bialah neih tur a ni a, kum 2023 inkhawmpui chu Serchhip bialin an thleng dawn a ni.