Foxes vs Chelsea Chak zawk an awm lo

Season thara Champions League khelh tum Leicester City leh Chelsea inkhelah chak zawk an awm lo a, team pahnih hi 2-2 in an inhnehtawk - top four huangah Chelsea an awm chhunzawm a, Foxes chu pathumna an ni zel bawk. 

King Power Stadium-a inkhelah first half chhungin inkhel hmuhnawm hmuh tur a awm lo a, second half erawh a dan a dang thung - goal li ngawt a lut!

Chelsea tan Antonio Rudiger chuan minute 46-naah hmahruaina goal a rawn khung a, Foxes-in tlawm an duh lo. Goal hnih hmangin an chhanglet zui a, Harvey Barnes leh Ben Chilwell ten mualneitu team tan an khung. 

Blues tan defender Rudiger bawk a inlar leh a, si phurh a sut zo. Hun tawp thlengin goal dang a lut zui tawh lo a, Foxes mualah 2-2 in an inhnehtawk. 

Leicester manager Brendan Rodgers chuan, "Team ṭha tak kan tum avangin draw result hi a lawmawm a ni mai thei a, mahse chak thei kan ni," a ti a, a lawm lo. 

Chelsea manager Frank Lampard chuan, "Second half-ah kan khelh tur angin kan khel lo a, chance duhawm tak tak an rawn neih phah a ni," tiin a sawi.