Siaha football champion New Colony FC
Siaha District Football Association buatsiah 4th MADC Chairman's Trophy 2019 chu Inrinni khan a hmawr bawkna neih a ni a, final inkhel hmuhnawm takah New Colony FC chuan Chhochhopaw FC chu 4-0 a hnehin nomawi an chawi.
District Playground-a inkhelah New Colony FC tan hian C. Beithatlo chuan goal hnih a khung bakah K. Ngachhi leh F. Lalchhanchhuaha te chuan goal khat ve ve an thawh a, harsatna nei loin an champion. Season kal laiah New Colony hi an che ṭha tluang hle, district huap inelna lian - SDFA Cup, I Day leh MADC Chairman's Trophy-ah te an champion kawp vek - Siaha football roreltu an ni.
Thlirna Tawi
Chhochhopaw FC 0 - 4 New Colony FC
NEW : K. Ngachhi 13'; C. Beithatló 21', 72'; F. Lalchhanchhuaha 30'
Champion New Colony FC
Pahnihna Chhochhopaw FC
Fair Play Chhochhopaw FC
Best Player C. Beithatlo (Alunga), NCFC
Top Scorer B. Beihruakhai (5 Goals), CCPFC
Best Keeper K. Tochhua, NCFC