FIFA Ranking: India an tlahniam

September 2019 FIFA Rankings tihchhuah a ni a, India chu hmun khata tawlh hnungin 104-naah an awm. Ranking tihchhuah karah India hian Oman leh Qatar an hmachhawn a, Oman (2-1) lakah an tlawm laiin Qatar (0-0) erawh an inhnehtawkpui thung. 

Blue Tigers hian October 15-ah an match hmasa ber an khel leh dawn a, Salt Lake Stadium, Kolkata-ah Bangladesh chu World Cup qualifier-ah an mikhual ang. November-ah India hian qualifier match hnih an khel leh ang a, Afghanistan (November 14) leh Oman (November 19) an hmachhawn leh dawn. 

Belgium chuan a chung ber an la luah chhunzawm zel a, top 10-a lang phak team zingah chhuak an awm lo - mahse France chuan pahnihna ni turin Brazil an luahlan a, South American ram hi pathumna an ni. Asia ram zinga sang ber Iran chu 23-na an ni a, Japan (31), South Korea (37) leh Australia (44) te chu Asian team zinga top 50-a lang phak an ni bawk. Asia bikah chuan India chu 18-na an ni phak. 

FIFA Rankings

#    Team    Points

1    Belgium    1752

2    France    1725

3    Brazil    1719

4    England    1662

5    Portugal    1643

6    Uruguay    1639

7    Spain    1631

8    Croatia    1625

9    Colombia    1622

10    Argentina    1614

11    Switzerland    1604

12    Mexico    1603

13    Netherlands    1586

14    Denmark    1584

15    Italy    1583

16    Germany    1580

17    Chile    1576

18    Sweden    1560

19    Peru    1551

20    Senegal    1546

104    India    1207