James-a'n inkhel entu a chhan
LeBron James chuan NBA entu fans pahnih, amah vanga stadium pawna hnawhchhuah an ni chu pawi a tih thu a sawi. Nimin zing khan Los Angeles Lakers chuan Atlanta Hawks 107-99 in an hneh.
State Farm Arena a inkhelah hun tawp hma minute riat chauh a awm tawh tihin buaina a chhuak. Inkhel entu 1,300 zinga pahnih chuan James chu ṭawngkam mawi lo takin an lo au nawmnah a, inkhel en chhunzawm lo turin an chhuahtir a ngai hial.
Point 21 neitu James chuan, "Fans an lo kir leh ta kha ka lawm a, khatianga inhnial buaina kha chu thil thleng ve tur a ni, hnawhchhuah an ni kha pawi ka ti hle. Inhnialna kha chu thil mak a ni lo, ka dikna ka sawi laiin an dikna an sawi ve thung," tiin fans a sawisel zui duh lo.
NBA regular season kal laiah Lakers hi Western Conference-ah pathumna an ni mek, an chungah hian Los Angeles Clippers leh Utah Jazz te an awm. Team pathum hi an inel tawk rih viau avangin chungnung tur hriatthiam a harsa.
Nimin zing inkhel dangah Charlotte Hornets chuan overtime an khelh hnuah Miami Heat 129-121 in an hneh. Hornets tan hian Malik Monk chuan point 36 a nei a, basketball inelna sang ber a khelh hnuah match khata point a hmuh hnem ber ṭum a tawng.
NBA Results
Los Angeles Lakers 107 - 99 Atlanta Hawks
Charlotte Hornets 129 - 121 Miami Heat
Cleveland Cavaliers 100 - 98 Minnesota Timberwolves
Phoenix Suns 109 - 108 Dallas Mavericks
Chicago Bulls 110-102 New York Knicks
Milwaukee Bucks 134-106 Portland Trail Blazers
Sacramento Kings 118 - 109 New Orleans Pelicans
Houston Rockets 136 - 106 Oklahoma City Thunder
Memphis Grizzlies 133 - 102 San Antonio Spurs