Olympic an nei lui dawn

Tokyo Olympic 2020 president Yoshiro Mori chuan kumin nipui laiin infiamna khawmpui lian chu an neih tur thu a sawi chiang. International Olympic Committee (IOC) nen harsatna karah pawh kawng an dap tih a sawi bawk.

Covid-19 vangin nikum khan Tokyo Olympic hi neih theih a ni lo, kumin atan an sawn tlai. Hrileng hi a la reh lo a, inelna thleng tur Japan rama mipui tam zawk chuan Olympic hi thlen loh emaw a hun sawn hlat emaw an duh.

IOC chuan a hun sawn hlat a rem tawh loh thu an sawi, Japan hian a thleng thei lo a nih chuan ram dangah nghah mai theih a nih thu leh, ṭhulh hlen mai pawh an tih tlang zawk tur thu an sawi chiang tawh a ni.

Mori chuan, "Coronavirus chu la awm reng mah se Olympic kan nei ang. Tunah hian infiamna khawmpui lian kan thlen theih nan kawng hrang hrangin hma kan la a," a ti a, IOC nen harsatna awm te pawh an sawiho ṭhin thu a sawi bawk.