Mustafi-a'n Schalke a zawm

Arsenal chuan inhriatthiam tawnnain Shkodran Mustafi a contract an titawp a, German defender hian an ram club Schalke chu thla ruk chhung atan a zawm - Liverpool pantu Ozan Kabak hmun ruak a luah dawn a ni.

Kum 28 mi Mustafi hian 2016 khan Spanish club Valencia aṭangin Gunners hi pound maktaduai 35-in a zawm a, club defender man to ber niin match 151 a khelhsak hman.

Beiseina sang tak nena lakluh ni mah se an beisei ang chuan a khel chhuak lo. Rob Holding, David Luiz, Gabriel leh Pablo Marí te awm hnuah phei chuan khelhna a chang ta lo, tun

season Premier League bikah inkhel bul ṭan a la nei lo hial.

Manager Mikel Arteta-a'n squad an ṭhuah fai tur thu a sawi a, tun thlasik bazar chhung hian Mustafi bakah Mesut Ozil leh Sokratis Papastathopoulos te contract neih lai chu titawpin an duh lam club an zawmtir a ni.