An ramah Khedira a kir

Juventus midfielder Sami Khedira chuan Turin khawpui aṭangin an ram Germany a pan a, Bundesliga club Hertha Berlin chu a nghetin a zawm, a contract rei zawng erawh chiang taka tarlan a ni lo thung.

Germany international hi VfB Stuttgart aṭanga inzir chhuak a ni, a chhawr chhuahna club hi 2010 khan chhuahsanin Real Madrid a zawm. Spanish clib lian tan match 100 chuang a khelh hnuah Juventus a zawm leh a ni.

Old Lady tan hian season nga leh a chanve a khel hman a, heng hun chhung hian Serie A nomawi vawi nga a chawi hman. Mahse season kal laiah erawh Italian club tan hian a la inlan lo.

Kum 34 mi midfielder hian 2019 February thla khan thawk lamah harsatna a nei a, enkawl a nih hnuah team training a zawm leh thei. Mahse, tun hma angin ngai a awh chhuak leh ta chiah lo a ni.

Germany tana 2014 World Cup chawitu Khedira chuan, "Hertha-in min lak an duh tih ka hriat khan ka lawm takzet. Jersey dumpawl ha chunga inkhelh hlan ka nghakhlel tawh hle a ni," tiin a sawi.

Khedira hian season 10 chuang a ral hnuah Bundesliga a khel leh dawn a ni a, Zirtawpni zana champion Bayern Munich an mikhual hunah Hertha Berlin tana a match hmasa ber a khel nghal thei ang.