Everton-in King an la

Premier League club Everton chuan Championship club Bournemouth aṭangin striker Joshua King an lalut a, tun season tawp thleng cham turin contract an ziah pui a ni.

Kum 29 mi King hian 2015 khan Bournemouth hi a zawm a, match 184 a khelh aṭangin goal 53 a khungsak tawh. A contract neih lai hi tun season tawp ruala zo tur a ni a, Fulham-in an ngaihven karah Toffees lamin an chang ta zawk.

Nikum thlasik bazar lai khan Manchester United chuan King hi an lo ngaihven tawh. Mahse, Ole Gunnar Solskjaer-a'n Odion Ighalo a lalut ta zawk a, Nigeria forward hi beisei ang chuan a chhawr tlak leh ta chuang lo.

King hian Premier League-ah tawnhriat a nei ṭha tawh, 2016-17 season khan league goal 16 khungin a club Bournemouth chu pakuana dinhmun a lo luah pui tawh. Season hmasa erawh kha chuan goal ruk khungin Championship lamah an tla thla.

Bournemouth hian King a chhuah takah chuan Republic of Ireland forward Shane Long chu Southampton aṭangin loan hmangin an hawh ve thung; Saints-in Japan forward Takumi Minamino an lalut ve thung a ni.