Laver Cup-ah Europe chungnung

Inkhel pawimawh takah Alexander Zverev chuan Milos Raonic hnehin Laver Cup-ah Team Europe chuan Team World 13-11 a hnehin a zawna a vawi thum nan an champion.

Laver Cup hi mipa tennis team hmanga inelna a ni a, Europe khawmualpuia awmte chu team pakhatah an ṭang khawm. Khawmualpui dang zawnga awm player-te chu an ṭang khawm ve leh thung a ni.

Inelna hi Palexpo, Geneva-a neih niin, player ṭha tak tak Roger Federer, Rafael Nadal leh Dominic Thiem te inlanna a nih avangin Davis Cup nen khaikhin chi ni lo mah se ngaihven a hlawh hle.