South Africa-in India an hneh

Pathianni zan khan South Africa chuan 3rd T20I-ah India chu wicket 9-in an hneh a, series-ah 1-1 in an inhnehtawk. M. Chinnaswamy Stadium, Bangalore-a inkhelah hian India-in bat hmasain run 134 an siam a, Proteas-in over 16.5-ah wicket khat chauh hlohin run 140 siamin target hi an umpha a ni.

India hi ṭhumvawrah vannei mah se captain Virat Kohli-a'n bat hmasak a thlang a, risk a la sual. Chutihrualin India hian bul an ṭan chhe lo a, over ruk zawhah run 54/1 an siam tawh. Amaherawhchu India hian tawp an khar ṭha lo a, target-ah 135 chauh an siam theih avangin South Africa bat hma hauhin beisei a bo.

Proteas tan captain De Kock-a'n ball 52 lekah run 79 a siam a, four vawi ruk leh six vawi nga a siam. Reeza Hendricks (28) leh Temba Bavuma (27*) te an chet ṭhat bawk avangin South Africa hian chiang takin hnehna an chang.

India leh South Africa hian Test match vawi thum an khel chhunzawm dawn a, October 2-6 inkar hian first Test hi Visakhapatnam-ah an khel ang.