League Cup Third Round Zaninah champion lai Man City inlan dawn

English football club tana inelna lian pathum zinga hlu lo ber Carabao Cup (League Cup) chu zanin aṭangin third round khelh ṭan a ni dawn a, he round aṭang hian Europe-a inlan club lian pawh an inlan tawh ang.

Zanin dar 12:15 hian champion lai Manchester City chuan Deepdale-ah Preston North End an tlawh dawn. Premier League club lian dang Tottenham Hotspur leh Arsenal te pawhin Colchester United leh Nottingham Forest te an hmachhawn dawn.

Manchester City hian hliam vanga defender pawimawh Aymeric Laporte leh John Stones te bakah Leroy Sane leh Phil Foden te an chhawr theih loh hnuah Inrinni khan league-ah Watford chu 8-0 zetin an sawp a, Championship club Preston tan hmachhawn an huphurhawm khawp ang.

City hian academy player Taylor Harwood-Bellis chu first team-ah an sawn chho a, kum 18 mi English central defender hian khelhna hmun a chang dawn em tih la hriat loh mah se Pep Guardiola hian Preston lakah player khel tlem zawk a luhtir ngam a rinawm thung.