A vawi hnih nan Halep a champion

Simona Halep chuan a vawi hnih nan Dubai Tennis Championship title a la, Romanian nula hian tennis a khelh hun chhungin WTA title 20 a lak tlinna a ni nghal bawk.

Australian Open finalist Halep hian Inrinni zan khan Elena Rybakina lakah a tir lamah talbuai deuh mah se insiamṭha lehin 3-6, 6-3, 7-6 (7-5) in hnehna a chang.

Kum 20 mi Rybakina hi kumnina player hmuhnawm zinga mi a ni, final vawi li a luhna a ni hial. Mahse, Grand Slam vawi hnih champion tawh Halep aiin tawnhriat a nei tlem, set hnuhnung bera tie break an khelh laiin a che fuh lo zawkah a ṭang.

World number 2 Halep chuan, "Champion nih ka tum ruh hle a, hlawhtlinna chang tur hian ka thawkrim hle," a ti. Halep hian season kal laiah nomawi pahnih a chawina a ni, Dubai hma hian Aviation Club Tennis Centre-ah hlawhtlinna a lo chang tawh bawk.