Mizo & Chennaiyin 'revival' = Playoff

Season bul ṭan chhe em em Chennaiyin-in an beisei ngam tawh loh ISL semifinal an lut - Zirtawpni zan khan South Indian club hian top four ni tura an elpui Mumbai City chu 1-0 in an hneh a, match khat khelh tur la nei chungin a sang pali zingah an tel chiang tawh. 

Mumbai midfielder Sourav Das-a'n minute 54-naah Lallianzuala Chhangte a tihtluk vangin red card a hmu a, player tam zawk nih hi Chennaiyin lamin an chhawr - minute 83-naah Lucian Goian chuan goal a khung a, Mumbai lamin an chhang let thei lo.

Coach Owen Coyle hnuaia hmasawn  Chennaiyin tan Jerry Lalrinzuala, Laldinliana Renthlei leh Lallianzuala chu player pawimawh an ni a, Zirtawpni zanah pawh hian inkhel bul an ṭan vek. 

Jerry hi Limitless Player of the Match-ah thlan a ni a, MPL6-a best defender Laldinliana  chu Emerging Player of the Match atan thlan a ni bawk. 

Inrinni zan inkhelah Bengaluru FC leh ATK chu 2-2 in an inhnehtawk bawk. Dimas Delgado leh Kevaughn Frater-te goal hmangin Bengaluru hian 2-0 in hma an hruai a, mahse ATK hian minute 86 hnulama Edu Garcia leh Michael Soosairaj hmanga chhang letin 2-2 in an inhnehtawk. 

Bengaluru tan Sairuatkima chuan inkhel bul a ṭan a, Thawhlehni zan hma chu ISL-ah inkhel a awm tawh rih 

lo ang.