Stimac-a'n Jerry leh Lianzuala a ko
India coach Igor Stimac chuan FIFA World Cup 2022 qualifier-a Bangladesh hmachhawn tur atan player 29 a ko 'chhin' a, koh lailawk zingah Mizo tlangval Lallianzuala Chhangte leh Jerry Lalrinzuala te an tel.
Oman (2-1) laka an tlawm hnuah India hian Qatar chu khualmualah 0-0 in an inhnehtawkpui a, October 15 khian Kolkata khawpuiah Bangladesh hi an mikhual leh ang. Stimac chuan, "Bangladesh nena kan inkhel tur hi Qatar nen kha chuan a danglam hlak dawn a, ka player zawng zawngte in fit leh peih at turin ka duh a ni," a ti.
India squad hian October 3 aṭangin Guwahati khawpuiah training an nei ṭan dawn a, player 29 aṭang hian player pali chu la paih leh tur an ni dawn.
India Squad
Goalkeepers: Gurpreet Singh Sandhu, Amrinder Singh,
Kamaljit Singh.
Defenders: Pritam Kotal, Nishu Kumar, Rahul Bheke, Sandesh Jhingan, Adil Khan, Narender, Sarthak Golui, Anas Edathodika, Anwar Ali (Jr.), Mandar Rao Desai, Subhasish Bose, Jerry Lalrinzuala.
Midfielders: Udanta Singh, Nikhil Poojary, Vinit Rai, Anirudh Thapa, Abdul Sahal, Raynier Fernandes, Brandon Fernandes, Halicharan Narzary, Lallianzuala Chhangte, Ashique Kuruniyan.
Forwards: Sunil Chhetri, Balwant Singh, Manvir Singh, Farukh Choudhary.