Assam-in Mizoram an hneh

Vijay Hazare Trophy-ah Mizoram chuan nimin khan Dehradun-ah Assam chu run 113-in an ngam lo. September 27 hian Mizoramin Rajiv Gandhi Stadium-ah Pondicherry an hmachhawn leh ang.

Ṭhumvawrah Mizoram hi chakin vawm hmasak an thlang a, Assam tan S Purkayastha-a'n run 163 zet a siam bakah captain SA Roy (79) leh G Sharma (57) ten an thlawp ṭhat bawk avangin over 50-ah run 324/3 an vaw chhuak.

Mizoram tan Sumit Lamba-a'n wicket khat lain run 40 a pe a, Arunachal an hneh ṭumin wicket thum a la tawh bawk. Bowler dang Lalhruaimawia Ralte leh AA Kazi ten wicket khat ve ve an la.

Assam nen Parvez Ahmed (38) leh Lalhmangaiha (36) te an che ṭha a, tualchhung player-ten hma sawn mah se team ṭha hneh turin hmasawn zel a ṭul thung. State pawn player AA Kazi (78*), Taruwar Kohli (13) leh KB Pawan (18) ten Mizoram an chhan chhuak thei lo a, over 50-ah 211/6 chauh an siam theih avangin an chak ta lo.