Ring chhungah Nigel Benn a lo kir dawn

"Khawvela kum 55 mi fit ber," tia an sawi Nigel Benn chuan boxing ring chhung a rap leh dawn a, kum 40 mi world champion hlui Sakio Bika nen an inhmachhawn rin a ni. 

WBO middleweight leh WBC super-middleweight champion lo ni tawh Benn hian  November 1996 hnuah khan boxing a khel leh tawh lo a, mahse a promoter Mark Peters sawi dan chuan November 23 hian ring chhung a rap leh dawn. 

Mark Peters chuan, "Nigel hi inhnek turin a in fit tawk tih pawm lo ila chu hma ka lakpui kher lo ang," a ti a, a boxer chu a rin tawk thu a sawi. Vawi 48 inhnek a hmachhawna vawi 42 chak thei Benn inhnek leh tumna hi British Boxing Board of Control (BBBoc) chuan an thlawp duh lo a, mah se British and Irish Boxing Authority (BIBA) lamin phalna an pe thung. 

Benn hian BIBA medical tests zawng zawng a paltlang a, inhnek avanga lu lama harsatna thleng thei laka inven nan specialist ten an ṭhut chilh ang a, hmanraw ṭha ber ber inchhawp a ni bawk ang.