Andy Murray a inkhel thei

Tennis world number 1 hlui Andy Murray chuan singles match a khel ve leh thei ta. Nilaini zan khan Britain tlangval hian Zhuhai Championships-ah Tennys Sandgren a hneh.

China-a inelna neihah Murray hian 6-3, 6-7 (6-8), 6-1 in hnehna a chang a, ATP Tour level-ah chuan January thlaa khelh zawh Australian Open hnuah singles match bika hnehna a chan lehna hmasa ber a ni.

Khel bawr hliam vanga hun rei tak buai tawh Murray hi doubles lamah chuan a inlan fo a, singles erawh a khel hleithei lo. Thla hmasa khan North Carolina-ah inlan mah se world number 69 Sandgren hi a ngam lo. Kum 32 mi Murray hi a match lehpekah chuan world number 31 Alex de Minaur nen an inkhel leh ang.