Footballer aṭangin zir tur kan nei - Virat Kohli

India cricket team captain Virat Kohli chuan football aṭangin fitness leh discipline-ah inzirna tur a awm thu ISL club FC Goa-in jersey an tlangzarh ṭumin a sawi.

Kum 30 mi Kohli chuan, "Mahni invawn kawngah footballer-te hi kan entawn a, infiamnaah chuan discipline a pawimawh takzet. Football player-te hi inkhel tura an inbuatsaih dan, an chawlh hahdam leh an thil eiah an professional em em a ni," tiin a sawi a, cricketer aia footballer-te fitness a ṭhat zawk thu a sawi tel bawk.

India hian South Africa nen T20I series an khel zo chiah a, 1-1 in an inhnehtawk. Team pahnih hian October 2-6, 2019 khian Visakhapatnam-ah Test an khel ṭan leh ang. Men in Blue hian Proteas nen Test match vawi thum an khelh turah hian bowler ṭha Jasprit Bumrah chu inhliam vangin an chhawr thei dawn lo. Kum 25 mi Bumrah hian tun thla tira West Indies nen Test match vawi hnih an khelh ṭumin hattrick a siam a, wicket 13 a la.