IAAF president atan Lord Coe

International Asso-ciation of Athletics Federations president atan Lord Coe chu a vawi hnih nan thlan nawn a ni a, chuhtu nei loin thlan tlin a ni.

A vanglaia Olympic 1500m champion vawi hnih ni tawh Coe hi 2015 khan a vawi khat nan thlan tlin a ni, tun ṭuma a tlin leh tak avang hian kum li dang a hna a chelh chhunzawm leh ang.

Kumin World Athletics Championships chu September 27 aṭang hian Doha-ah neih a ni dawn a, inelna lian neih ṭan hmain President thar thlanna hi neih a ni.

Britain pa Coe hi a hun hmasa lam khan Russia chungchangah khawng taka a kal avangin fak a hlawh a, sawiseltu pawh a tawng hnem. A kaihhruaina hnuaiah kumin World Championships atan pawh Russia hi hrem chhunzawm an ni.

Colombian mi Ximena Restrepo-i chu IAAF vice-president atan thlan a ni, ani hi khawvel hmeichhe zingah hetiang dinhmun luah thei hmasa leh awmchhun a ni hial.