Ram pawna British player ṭha tu nge?

Khawvela football league ngaihven hlawh ber chu English Premier League a ni a, ram pawn player tam takin hmingthanna leh sum umin an pan ṭhin. 

British mi ni lo, Premier League rawn khel zinga a ṭha ber sawi a harsa a, tam takin Thierry Henry a ropui bera an ngaih laiin Sergio Aguero lam ṭang tlat pawh engemaw zat an awm ang. 

Hming pahnih lam rik a nih rualin Dennis Bergkamp, Gianfranco Zola, Cristiano Ronaldo, Luis Suarez leh Fernando Torres te vanglai pawh mitthla loh harsa tak a ni. 

Hetihrual hian Premier League khelh a nih hnuah British player engemaw zatin in lum leh English football tlansanin ram pawnah an khel ve tho a, tu nge hlawhtling ber? tih zawhna hi chhan mai theih a ni lo.

Tun hnaiah Real Madrid nen an inhmuh thiam loh vang maiin Bale hi dah hniam theih a ni lo a, khawvela footballer manto ber ni tura Tottenham Hotspur aṭanga Real-in an lei laia a thawm natzia te kha!

Champions League nomawi vawi li a chawi tawh a, match 167-ah goal 80-a khung thei - insawitheih pui tham chu a nei niin a lang. 

Rampawna nomawi chawi:

Champions League (2014, 2016, 2017, 2018), La Liga (2016-17), Copa del Rey (2014), Uefa Super Cup (2014, 2016, 2017) leh Club World Cup (2014, 2017, 2018).

Khawvela footballer thiam ber ni lo mah se hralh tla ber erawh a ni chiang a, Real squad ropui 'Galacticos' an tih zinga Ronaldo, Zinedine Zidane leh Figo te khelh pui phak ngattu a ni. 

LA Galaxy a pan dawn khan MLS thuneitute chuan inkhelh a chawlhsan huna MLS club a neih theihna tur contract an ziahpui hial a, LA hian an club badge leh jersey rawng chu Beckham nena inmil turin an thlak hial. 

Rampawna nomawi chawi:

La Liga (2006-07), MLS Cup (2011, 2012), Ligue 1 (2012-13)

Scottish midfielder ropui hi Scotland football chanchinah a hming a dai tawh dawn lo. Kum 1996 khan Celtic chhuahsanin Monaco a pan a, a season hmasa berah league nomawi a chawi. 

Kum 1998-ah Champions League semifinal an khel a, Willy Sagnol, Henry, Fabien Barthez leh David Trezeguet te nena an khel ho kha hmuhnawm a tling. 

Rampawna nomawi chawi:

Ligue 1 (1996-97).

English footballer thiam bik hming an lam apiangin Gazza hming lam hmaih a ni ngai lo a, mahse player mahni inthunun harsat tak a nih avangin a hlawhtlin tur angin a hlawhtling tawk lo. 

Lazio-ah a khelh laiin hliam vangin a hun tam zawk khelmual pawnah a hmang a, hetichung hian an hmelma AS Roma laka goal a khung avangin ngaihsan erawh a hlawh reng. Kum 2012-a Spurs leh Lazio inkhel en tura a kal khan, "Gazza kan lo lawm a che. Sakeibaknei thinlung, huaisen, talent bik nei, mipa dik tak: kan la ngaisang reng che," tiin fan-ten an lo lawm. 

Rampawna nomawi chawi:

NIL.

Bayern Munich-a Hargreaves khel lai en tawh chuan a thiamzia an haiin a rinawm loh. England international, ram pawna inkhel zingah a hlawhtlin anga hlawhtling an tam kher lo ang. 

German club aṭang hian Manchester United a pan a, hliam vangin talbuai reng lo se a career kha vawiina kan thlirlet ai hian a ropui zawk ang. 

Rampawna nomawi chawi:

Champions League (2001), Bundesliga (2001, 2003, 2005, 2006), German Cup (2003, 2005, 2006), Intercontinental Cup (2001).

UEFA Cup-a an intawn ṭuma a khelh ṭhat em avangin Dortmund chuan Motherwell midfielder Lambert chu kum 1996 khan an lalut a, an tisual lo. 

Dortmund-a a season hmasa berah British player nichunga ram pawn club nena Champions League nomawi chawi hmasa ber dinhmun a hauh nghal a, final-a Juventus an hneh ṭum hian Karl-Heinz Riedle goal khung tur a siamsak a, Zidane-a dah nil dan chu a hmuhnawm lehzual. 

Rampawna nomawi chawi:

Champions League (1997)

Liverpool midfielder hlui Steve McManaman thiamzia kha football ngainatute titi tui ber a ni fo. Liverpool-in a beisei ang contract an zawrh loh avangin Real Madrid a pan zui a, a hlawhtling hle. 

McManaman hi Premier League player zinga Real tana khel hmasa ber a ni a, a hun tawp lam erawh Manchester City-ah a hmang thung. 

Rampawna nomawi chawi:

Champions League (2000, 2002), La Liga (2001, 2003), UEFA Super Cup (2002).

McManaman ang thoin Owen-a'n Liverpool a hnuchhawn a, Real Madrid a pan - a pawi ta erawh McManaman anga a hlawhtling zui ve lo kha a ni. 

Ballon d'Or chawimawina hial dawng thei striker hian Real tan season khat chiah a khel a, match 26-ah bul ṭanin goal 16 a khungsak a, nomawi chawi nei loin England-ah a kir. 

Rampawna nomawi chawi:

NIL.

Kum 1992 khan Serie A club Bari a pan a, a hnuah Juventus leh Sampdoria tan a khel zui - goal khung thei bik a ni a, Serie A club pathuma a kal kual chhunga a man zat belhkhawm chu pound maktaduai 17.2 a tling. 

Vawiin ngaihtuah chuan pawisa hi tlemte angin lang mah se 1990's chho a ni tih ngaihtuah tel chuan player manto tak a ni 

tih a hriat. 

Rampawna nomawi chawi:

UEFA Cup (1993), Coppa Italia (1994).

Manchester City academy-a lungawi taka ṭhut aiin Sancho-a'n 'risk' laka Dortmund pan a thlang a, German club tan match 61-ah goal 22 khungin Europe-a rawlthar 'hot' ber pawl a ni mek. 

Kum 19 mi chauh a la nih avangin Sancho hian hmabak tam tak a la nei a, a chunga player langsar te khum turin hun ṭha a la ngah hle. 

Rampawna nomawi chawi:

NIL