Lazio ngam loh Napoli

Thawhlehni zan khan khan Coppa Italia quarterfinal inkhel pakhat a awm a, inkhel hmuhnawm takah Napoli chuan tun hnaia khel ṭha tluang tak Lazio chu captain Lorenzo Insigne goal hmangin 1-0 in an hneh.

Champion lai Lazio hnehtu Napoli hian semifinal-ah chuan Fiorentina leh Inter Milan inkhela chak zawk an hmachhawn leh ang, semifinal aṭang chuan home leh away-a khelh tawh tur a ni dawn.

Inkhel ṭan aṭanga minute hnihna lekah Napoli tan Insigne hian goal awmchhun a khung. Lazio lamin na takin an nawr let a, striker Ciro Immobile chuan si phurh sut theih nan penalty pet mah se a hlah - gaol ban leh bar an tihper zat pawh vawi li ngawt a ni; an vanduai takzet.

Minute 19-na lekah Napoli defender Elseid Hysaj chu hnawhchhuah a ni a, red card hmasa phawrh aṭanga minute ruk liam hnu lekah Lazio midfielder Lucas Leiva chu hnawhchhuah a ni ve bawk.

Napoli manager Gennaro Gattuso chuan, "Lazio kha team ṭha tak an ni, tihsual nei hlek ila chuan min hrem nghal ang. Kan vanneihna em em chu player inhliam kan nei ngah chunga an aiawhtu ten ṭha taka an rawn khel thei kha a ni. Kan team hian hlawhtlinna chang turin theihna kan nei sang tawk," a ti.