MVA-in training nei

Mizoram Volleyball Association chuan nimin khan Short Course Coach Training chu MVA Office, Tuikual North Indoor Stadium-ah a buatsaih a, mi 42-in training hi an chhim. 

MVA president H. Lalzirliana chuan, "Kumin hi chuan sorkar dan siam bawhchhe si loin kan tih tur ang kan tih theih tawh ka beisei," a ti a, Mizoram district hrang hrangah volleyball khel an tam thu a sawi bawk.

Short Course Coach Training hi a pawimawh hle, he huna tel lo tan MVA hnuaia tournament hrim hrimah coach a nih theih loh. Tualchhung volleyball inelna hmachhawn duh coach tan chuan tel ngei ngei a ngai tihna a ni.

MVA hian inelna hrang hrang a buatsaih ṭhin. Pro Volleyball League chu ngaihhlut ber a ni a, season hmasa khan hri leng vangin tournament an buatsaih mumal thei lo.