South Africa ODI captain De Kock

23rd January, 2020

South Africa chuan ODI captain turin Quinton de Kock an ruat a, February thlaa World Cup champion lai England nen an inhmachhawn aṭangin captain hna hi a chelh ṭan ang.

Kum 27 mi De Kock hian Faf du Plessis a thlak a, Test leh T20-ah erawh Du Plessis a la captain chhunzawm dawn. South Africa leh England-in ODI match thum an khelh turah Du Plessis hi player 15 awmna squad-ah telh a ni lo.

South Africa leh England hian Test match an khel mek a, January 24-28 hian series tawpna an khel dawn. Tun dinhmunah England hian 2-1 hma an hruai mek.