Foxes-in Fulham an hneh

Leicester City-in Nilaini zan khan Craven Cottage an luhchhuah a, Fulham 2-0 in an hneh. Foxes tan hian Kelechi Iheanacho leh James Justin ten first half-ah ve ve an khung a, goal pahnih hi James Maddison-a siamsak ve ve a ni.

Inkhel dangah Liverpool an chak lo ve bawk avangin Leicester City hian point 42 hmu a, table-ah pathumnaah an awm. Brendan Rodgers-a hote Champions League khel turin an dinhmun a ṭha zel.

Leicester hian Leeds United an hneh loh zawhah Brendan Rodgers-a'n an ṭhat tawk loh thu an sawi a, rang takin an insiamṭha nghal. Foxes manager Rodgers chuan, "Maddison hian theihna sang tak a nei a, goal hmasa ber a siamsak kha Kevin de Bruyne siam ni zawk se an sawi zui nasa khawp ang. Chance tam tak a siam a, ka team-a a awm hi ka vannei hle," tiin goal hnih siamsaktu Maddison a fak.

Foxes hian February 7, Pathianni zanah Wolverhampton Wanderers an hmachhawn dawn a, Wolves hi Arsenal hneh zo hlim an ni. Fulham erawh goal khung an harsat avangin point 14 hmuin relegation zone-ah an awm.