Vawiin aṭangin India leh England

Vawiin chawhma dar 9:30 aṭangin MA Chidambaram Stadium, Chennai-ah India leh England ten Test match hmasa ber an khel dawn. Men in Blue hi Australia rama Test series la zo hlim an ni a, England hian Sri Lanka-ah mualneitu an 'whitewash' bawk.

India captain Virat Kohli a rawn kir dawn a, tun hnaiah England captain Joe Root-a chet ṭha hle. Tun ṭum an inkhel tur a pawimawhna chu team pahnih hian World Test Championship final khel tur an zawng tel dawn.

Australia an hneh ṭuma India captain leh tun ṭuma vice captain Ajinkya Rahane chuan, "Australia kan hneh kha chu thil hlui a ni tawh. England lakah kan ngaihtuahna zawng zawng kan sawrbing a ṭul a, match tam tak thlir lawk loin match khat zela kan theihna zawng zawng chhuah a ṭul dawn a ni," tiin a sawi.

Team pahnih squad aṭanga ram pahnih inkhelh ṭuma run siam tam ber chu Virat Kohli a ni a, India captain hian England vawi kua a hmachhawn tawhah run 843 a siam a, century vawi thum siam tawhin half century vawi hnih a siam bawk.

England lamah Joe Root chu run siam tam ber a ni a, India match ruk a hmachhawn tawhah run 584 siamin century vawi khat leh half century vawi nga a siam. Chutihrualin circket khawvelah chuan England hi dah hniam theih a ni lo.

Root bakah hian Ben Stokes, Stuart Broad, James Anderson, Moeen Ali, Dom Bess leh Jofra Archer te chu danglamna thlen thei vek an ni a, England leh India inkhel tur hian ngaihven a hlawh hle.

India: Virat Kohli (captain), Ajinkya Rahane (vice captain), Rohit Sharma, Shubman Gill, Cheteshwar Pujara, Rishab (wk), Ravichandran Ashwin, Jasprit Bumrah, Ishant Sharma, Mohammed Siraj, Washington Sundar, Kuldeep Yadav, Axar Patel, Hardik Pandya, Mayank Agarwal, KL Rahul, Wriddhiman Saha, Shardul Thakur

England : Joe Root (captain), Dominic Sibley, Rory Burns, Ollie Pope, Dan Lawrence, Ben Stokes, Jos Buttler (wk), Ben Foakes (wk), Moeen Ali, Chris Woakes, Jofra Archer, James Anderson, Stuart Broad, Dominic Bess, Jack Leach, Olly Stone

First Test : 5-9 February - MA Chidambaram Stadium, Chennai

Second Test : 13-17 February - MA Chidambaram Stadium, Chennai

Third Test : 24-28 February - Sardar Patel Stadium, Ahmedabad

Fourth Test : 4-8 March - Sardar Patel Stadium, Ahmedabad